Reforzos. Mañá sábado tocamos ás 16.30 no Cans Voulevar do Festival de Cans, e para esta cita estrearemos a formación trébol coa que os Grampoder afrontaremos a temporada de festivais. Para estas ocasións temos a honra de anunciar un reforzo de luxo que fai tremer as perniñas: Cristovo Patiño, aka “O Tigre da Louriña”, que tocará teclados en plan o defunto Ray Manzarek, percusión, batería, theremín e todo o que uns enredantes coma nós lle botemos diante. É a hora dos valientes!
Reblogou de grampoder
Mañá martes, nas Crechas. Mañá martes 7, ás 22.30, presentamos Golf Whiskey na Casa das Crechas de Santiago D.C. A entrada custa 5€ e pódese reservar en reservascrechas@gmail.com Teremos o disco para vender e levaremos toda a metralla que poidamos meter no noso Seat Ibiza. Esperámosvos alí.
Hai máis cousas esta semana: o venres 10 tocamos na Sala Velvet Underground de Lugo (23.00 horas, 5€, con Berlina) e o sábado 11 no Pub O Muíño de Cervo (23.30 horas, con Albino DJ)
Lembrade!
Reblogou de grampoder
As fotos do concerto em Ferrol. Tiradas por @abretedeorellas. Gracinhas Pepe & Suso! E os Grampoder, esse prazer!
Mañá! Grampoder+Projecto Mourente, mañá sábado ás 21.30 no Manchita Cosa de Ferrol, celebrando o décimo aniversario do portal Ábrete de Orellas. Por cinco euros programa dobre de música electrónica e analóxica, baile, instrumentos raros, látegos, risitas e asubíos.
Reblogou de grampoder
Concerto em Ferrol: 16/03/2012
É certo. Se nom fosse polos Grampoder, nem sairíamos da casa. O Pepe do Abrete de Orellas propuxo-nos voltar a fazer um concerto juntos para celebrar o décimo aniversário do site e nós aceitamos felizes. Agora veremos como é que saímos desta. Em Lalim eram poucas e nom se atrevêrom connosco, pero em Ferrol… já muda o conto bastante! Será o sábado, 16 de março, ás 21h30 no Manchita Cosa e só por 5€. Iremos todas popis, só coas bases e as tabletas. Esperemos nom acabar linchadas pola turba ferrolã, tam fã do extremo. Seja como for, uma cousa é certa: será inesquecível!
Deixamos aqui um vídeo dos Grampoder. Uma maravilha.
Ao vivo em Lalim nesta 6F
Já está na hora de nos desenferrujarmos. Nesta sexta feira (21/09) iremos a Lalim para fazer algumas músicas ao vivo cos Grampoder no Café Barriga Verde. Será a partir das 22h. Faremos só umas poucas canções e alguma surpresinha que bem pode acabar em desfeita. Divertido decerto… e só por 5€! Cruzamos os dedos?
E conseguimos que a TVG usasse a ortografia internacional. Gracinhas a toda a equipa do Bamboleo polo respeito e o carinho, e sobretodo a esse público que muito nos apoiou.
